Samskipti

Ýmsar samskiptaleiðir eru nýttar í uppbyggingu stjórnkerfa. Á lægri stigum - nær jaðarbúnaði - er oftast notast við seríal samskipti en á hærri stigum er oftast notast við ethernet samskipti.

Á myndinni hér til hliðar eru sýndar samskiptaleiðir frá jaðarbúnaði til skjámyndakerfis, þetta eru í raun meiri töfrar heldur en flestir notendur kerfanna gera sér grein fyrir. Tökum nokkur dæmi:

Flæðilokur (VAV) eiga samskipti á Modbus RTU braut. Margar flæðilokur eru tengdar saman á samskiptabrautina sem endar í sérstakri gátt (Modbus RTU/TCP gateway) sem breytir seríal samskiptunum (RS485) í ethernet samskipti (TCP/IP). Ethernet-hlið Modbus-gáttarinnar tengist inn á staðarnet og þannig getur kerfiráður kallað eftir upplýsingum frá einstökum flæðilokum í gegnum gáttina. Kostur

Þjónn skjámyndakerfisins er gjarnan kallaður kerfiráður og getur verið venjuleg tölva en fyrir stærri kerfi er kerfiráður ósjaldan settur upp á sýndarþjóni. Hlutverk kerfiráðar er fjölþætt, m.a.: veita notendum þær skjámyndir sem hann kallar eftir sírita breytur frá stjórnbúnaði (t.d. hitastig, staða stjórnloka, þrýstingur) vakta valdar breytur og gefa út viðvaranir ef frávik verða óeðlileg

Aðgangur notenda að skjámyndakerfinu getur verið í gegnum hefðbundinn vafra eða í sérstöku forriti sem styður skjámyndir. Uppsetning og viðhald skjámynda er einfaldari og skilvirkari ef skjámyndum er veitt til notenda í gegnum vafra. Með slíkri högun þurfa notendur ekki að setja upp sérstakan hugbúnað á sínum tölvum og utanumhald skjámynda er miðlægt.

Sjá nánari upplýsingar um uppsetningu netkerfis í annarri grein.